«Рома» бош мураббийи Даниэле Де Росси жамоага янги келган Артём Довбикнинг А Серия 1-турида «Кальяри»га (0:0) қарши ўйиндаги ҳаракатлари ҳақида гапирди.
«Биринчи бўлим у учун осон кечмади, чунки биз унга кўп пас бермадик. Ўйлайманки, у танаффусдан кейин жуда яхши ўйнади, у бор кучи билан курашди, деярли гол уришга муваффақ бўлди ва ишончим комилки, у яна кўплаб голлар уради», - дея Де Россининг сўзларини келтиради "Football Italia".
Ўтган мавсумда Довбик барча турнирларда 41 та ўйинда қатнашиб, 25 та гол ва 10 та голга ассистентлик қилган.
