Мадриднинг “Атлетико” клуби бош мураббийи Диего Симеоне ҳужумчи Жоау Феликс жамоани тарк этиш арафасида эканлигини яширмади.
Португалиялик футболчи "Вильярреал"га қарши (2:2) Ла Лиганинг 1-тур учрашувида қайдномада йўқ эди. Маълумки, "матрасчилар" 24 ёшли форварднинг трансфери борасида "Челси" билан музокара олиб боришмоқда.
“Феликс? Биз трансфер ҳақида гапиряпмиз. Тез орада сиз менинг нима деганимни билиб оласиз", - дея Симеоненинг ўйиндан кейинги интервьюсидан иқтибос келтиради журналист Фабрицио Романо.
Романонинг сўзларига кўра, Жоау Феликс сешанба куни Лондонга учиб, "Челси"га ўтишни якунлайди.
