“Лестер Сити” ҳужумчиси Жейми Варди Англия Премьер-лигасида яна гол урди.
“Тулкилар” элит дивизионга қайтганидан сўнг илк учрашувида “Тоттенхэм” билан дуранг ўйнади (1:1). Жейми Варди 57-дақиқада “шпорлар” дарвозасига тўп киритди.
BBC хабар беришича, аллақачон афсонага айланган "Лестер" форварди Премьер-лиганинг биринчи турида гол урган энг кекса иккинчи футболчига айланди - 37 ёшу 221 кун. Фақат "Вест Хэм"да тўп сурган Тедди Шерингем чемпионатнинг дастлабки босқичида ундан ҳам катта ёшда - 39 ёшу 133 кунлик ўйинда ўзини кўрсатган.
Жейми Варди "Лестер" таркибида 464 ўйинда жами 190 та гол урган.
