Виталий Левченко бош мураббийлигидаги "Нефтчи" Суперлиганинг қолдирилган 14-тур беллашувида Жиззахнинг "Сўғдиёна" клубини қабул қилади.
Фарғоналикларнинг бугунги рақиби 1970 йилда ташкил топган. Миллий чемпионатимиз доирасида "Нефтчи" ҳамда "Сўғдиёна" клублари 53 марта ўзаро тўқнашган. Бу беллашувларда нефтчилар 30 марта устун келишган, жиззахликлар эса 11 бора ғалаба қозонишган, 12 та учрашувда муроса кўчаси танланган. Киритилган ва ўтказиб юборилган тўплар нисбати бўйича 97-43 фарғоналиклар фойдасига.
"Нефтчи"нинг" Сўғдиёна" устидан эришган энг йирик ғалабаси 7:0 кўринишида бўлган, "Сўғдиёна"да эса бу кўрсаткич 3:0 ҳисобида қайд этилган.
Фарғонада бўлиб ўтган охирги 5 учрашув натижалари қуйидагича
11.08.2023.
"Нефтчи"-"Сўғдиёна" 0:0
18.03.2022.
"Нефтчи"-"Сўғдиёна" 1:2
09.11.2018.
"Нефтчи"-"Сўғдиёна" 0:1
25.05.2018.
"Нефтчи"-"Сўғдиёна 0:2
22.09.2017.
"Нефтчи"-"Сўғдиёна" 1:1
