Vitaliy Levchenko bosh murabbiyligidagi "Neftchi" Superliganing qoldirilgan 14-tur bellashuvida Jizzaxning "So‘g‘diyona" klubini qabul qiladi.
Farg‘onaliklarning bugungi raqibi 1970 yilda tashkil topgan. Milliy chempionatimiz doirasida "Neftchi" hamda "So‘g‘diyona" klublari 53 marta o‘zaro to‘qnashgan. Bu bellashuvlarda neftchilar 30 marta ustun kelishgan, jizzaxliklar esa 11 bora g‘alaba qozonishgan, 12 ta uchrashuvda murosa ko‘chasi tanlangan. Kiritilgan va o‘tkazib yuborilgan to‘plar nisbati bo‘yicha 97-43 farg‘onaliklar foydasiga.
"Neftchi"ning" So‘g‘diyona" ustidan erishgan eng yirik g‘alabasi 7:0 ko‘rinishida bo‘lgan, "So‘g‘diyona"da esa bu ko‘rsatkich 3:0 hisobida qayd etilgan.
Farg‘onada bo‘lib o‘tgan oxirgi 5 uchrashuv natijalari quyidagicha
11.08.2023.
"Neftchi"-"So‘g‘diyona" 0:0
18.03.2022.
"Neftchi"-"So‘g‘diyona" 1:2
09.11.2018.
"Neftchi"-"So‘g‘diyona" 0:1
25.05.2018.
"Neftchi"-"So‘g‘diyona 0:2
22.09.2017.
"Neftchi"-"So‘g‘diyona" 1:1
