"Арсенал" ҳужумчиси Эдди Нкетиа ёзги трансфер ойнасида клубини алмаштириши мумкин.
Инсайдер Фабрицио Романонинг сўзларига кўра, "Ноттингем Форрест" “Арсенал”га таклиф билан чиққан, бироқ томонлар ҳалигача келишувга эришмаган.
Қайд этилишича, “ўрмончилар” “Фейеноорд” ҳужумчиси Сантьяго Хименеснинг трансферига ҳам қизиқиш билдирмоқда, музокаралар ҳозирданоқ давом этмоқда. "Ноттингем Форрест" ушбу ўйинчилардан фақат биттаси билан шартнома имзолайди.
Нкетиа ўтган мавсумда "Арсенал"нинг 37 та ўйинида майдонга тушиб, 6 та гол урди ва 3 та голли узатмани амалга оширди.
