Ўзбекистонда ўтказиладиган ФИФА футзал бўйича Жаҳон чемпионати стартига жуда оз вақт қолмоқда. Шу йилнинг 14 сентябрь куни старт оладиган ушбу турнир юртимизнинг қадимий ва бой тарихга эга учта шаҳри – Тошкент, Бухоро ва Андижонда бўлиб ўтишидан хабарингиз бор.
Ушбу катта тадбир олдидан мусобақа ташкилий қўмитаси мундиал баҳсларини ўзида қабул қиладиган Андижон шаҳрида ҳам тест режимида назорат учрашувларини ўтказади.
24 август куни Андижон спорт мажмуасида ўтмишнинг собиқ юлдузларидан ва ҳозирда миллий терма жамоада фаолиятини давом эттираётган футзалчилардан иборат Ўзбекистон миллий терма жамоаси "Андижон" юлдузларига қарши ўйинда майдонга тушади.
