"Атланта Юнайтед" ярим ҳимоячиси Алексей Миранчук нима учун Италиянинг "Аталанта" клубидан Америка клубига ўтганини тушунтирди.

“Атланта"да ўйнашга қарор қилдим, чунки мен хип-хопни яхши кўраман. Ҳазил, шунчаки ҳазил. Вазиятни бироз юмшатиш учун кулгили нарсадан бошламоқчи эдим. Тўғрисини айтсам, МЛС ўсиб бормоқда, бу ерда жуда кўп сифатли ўйинчилар тўп тепмоқда. Мен Европада тўрт йил ўйнадим, хоҳлаган нарсамга эришдим", - дея Миранчукнинг сўзларини келтиради клуб матбуот хизмати.

"Атланта" 30 июл куни Миранчукнинг трансферини эълон қилди. Ўтган мавсумда россиялик футболчи "Аталанта" сафида барча турнирларда 42 та ўйинда қатнашиб, 4 та гол ва 9 та голли узатмага муаллифлик қилган. Ярим ҳимоячи италян клуби сафида жами 98 та ўйин ўтказган (13 та гол ва 19 та голли узатма).