Ярим ҳимоячи Илкай Гюндоган тез орада "Барселона"ни тарк этади. Немис футболчиси "Манчестер Сити"га қайтиш арафасида турибди.
Ярим ҳимоячи "шаҳарликлар"га текинга ўтади, чунки унинг "Барселона" билан шартномаси бекор қилинади. Журналист Санти Оваллега кўра, Гюндоганнинг кетиши фақат иқтисодий сабаблар билан изоҳланади.
Агар клуб молиявий жиҳатдан қийналмаганида Илкай Ханс-Дитер Флик тизимидаги асосий ўйинчига айланган бўларди. Гюндоган билан хайрлашиш "Барселона"га яқинда "РБ Лейпциг"дан 55 миллион еврога сотиб олинган янги футболчи Дани Олмони бонусларни ҳисобга олмаганда рўйхатдан ўтказиш имконини бериши кутилмоқда.
