Ёзда Кейлор Навас "ПСЖ" билан хайрлашди. Парижликлар коста-рикалик футболчи билан шартномани узайтиришмади.
Кейлор сўнгги икки мавсумда “ПСЖ” сафида атиги саккизта ўйинда майдонга тушди. "Ноттингем Форест"га олти ойлик ижара янада муваффақиятли бўлиб чиқди - 17 ўйин.
Дарвозабон фаолиятининг асосий даврини бемалол Мадрид деб аташ мумкин. "Қироллик клуби" билан Навас 11 та совринни қўлга киритди, жумладан, учта Чемпионлар лигаси.
Дарвозабон собиқ жамоадошлари билан алоқани йўқотмаган.
"Мен вақти-вақти билан Марсело ва Модрич билан гаплашиб тураман. Бизнинг дўстлигимиз доимий бўлмаслиги мумкин, лекин бизда ажойиб муносабатлар мавжуд. Кроос билан ҳам. Уларнинг барчасини катта муҳаббат билан эслайман. Биламан, улар ҳам мени эслашади. Вақти-вақти билан Криштиану, Рамос ва Начо билан мулоқот қиламан", дейди дарвозабон.
Ҳозирча Кейлор ўзига янги клуб топа олмади. Маълум бўлишича, "Монца" 37 ёшли коста-рикалик футболчини ўз сафига қўшиб олмоқчи.
