"Астон Вилла" ўз мухлисларини дарвозабон Эмилиано Мартинес билан шартнома узайтирилгани ҳақидаги хабар билан хурсанд қилди.

31 ёшли аргентиналик футболчи Бирмингем клуби билан кейинги беш мавсум - 2029 йилнинг ўрталаригача шартнома имзолади.

Эмилиано Мартинес 2020-йил сентябрь ойининг ўрталаридан бери “Астон Вилла”да ўйнамоқда. Ўшандан бери аргентиналик футболчи виллаликлар сафида 160 та расмий ўйин ўтказиб, ўз дарвозасидан 196 та гол ўтказиб юборган.

Эътиборлиси, сўнгги йилларда Эмилиано Мартинес Аргентина терма жамоаси билан бир қатор титулларни қўлга киритди, хусусан, икки марта Америка кубоги ва жаҳон чемпионатида ғолиб чиқди.