"Aston Villa" o‘z muxlislarini darvozabon Emiliano Martines bilan shartnoma uzaytirilgani haqidagi xabar bilan xursand qildi.
31 yoshli argentinalik futbolchi Birmingem klubi bilan keyingi besh mavsum - 2029 yilning o‘rtalarigacha shartnoma imzoladi.
Emiliano Martines 2020-yil sentyabr oyining o‘rtalaridan beri “Aston Villa”da o‘ynamoqda. O‘shandan beri argentinalik futbolchi villaliklar safida 160 ta rasmiy o‘yin o‘tkazib, o‘z darvozasidan 196 ta gol o‘tkazib yuborgan.
E’tiborlisi, so‘nggi yillarda Emiliano Martines Argentina terma jamoasi bilan bir qator titullarni qo‘lga kiritdi, xususan, ikki marta Amerika kubogi va jahon chempionatida g‘olib chiqdi.
