"Лион" ярим ҳимоячиси Райан Шерки Англияга ўтишга яқин турибди.

21 ёшли футболчи узоқ вақтдан бери "ПСЖ"нинг трансфер мақсади ҳисобланган, бироқ пойтахт грандлари “Лион” билан келишувга эриша олмади. Аммо "Фулхэм" буни уддалай олди: L'Equipe нашри хабарига кўра, "тўқувчилар" лондонликларнинг 20 миллион евролик таклифидан қаноатланишган, шундан 5 миллиони бонуслар эди.

Райан Шеркининг амалдаги шартномаси келаси йил ёзида тугайди, шу сабаб унинг нархи нисбатан арзон. Футболчи “Лион” сафида барча турнирларда 141 та ўйинда майдонга тушиб, 17 та гол урди ва 25 та голли узатмани амалга оширди.