"Барселона" бош мураббийи Ханс-Дитер Флик "Ювентус" вингери Федерико Кьезанинг трансферини маъқуллади. Ла Лига гиганти футболчининг агенти билан эҳтимолий келишувни муҳокама қилмоқда.
26 ёшли италияликнинг шартномаси бир йилдан камроқ вақт ичида тугайди, шунинг учун уни бозор қийматидан анча арзонга сотиб олиш мумкин.
Немис мутахассиси футболчини уч йил аввал “Бавария” устози сифатида ўз жамоасига жалб қилмоқчи бўлган, аммо кейин “Ювентус” бу таклифни рад этганди.
“Барселона” Федерико Кьеза учун сўралган 15 миллион еврони тўлашни режалаштирмаяпти, бироқ футболчининг ўзи трансферга тайёр.
