"Аталанта" ярим ҳимоячи Эдерсон Лоуренсо бўйича таклифни рад этди. Ҳатто ўтган мавсумда ҳам бразилиялик Европанинг топ клубларидан бирига ўтиши мумкин эди.
Журналист Алфредо Педулла хабарига кўра, "Манчестер Юнайтед" 25 ёшли футболчи учун 50 миллион евро тўлашга тайёр эди, аммо "Аталанта" рад жавобини берди.
Эдерсоннинг Transfermarkt порталидаги нархи 40 миллион еврони ташкил қилади. Бразилия терма жамоаси футболчисининг Бергамо клуби билан шартномаси 2027 йилнинг ўрталарига қадар амал қилади.