"Барселона" ҳужумчиси Витор Роке "Бетис"га ўтишга яқин турибди. Инсайдер Фабрицио Романо хабарига кўра, Севиля клуби бразилиялик футболчини ижарага олиш борасида "блауграна" билан деярли келишувга эришди.
Томонлар фақат бир нечта тафсилотларни ҳал қилишлари керак, улардан бири ижара шартномасининг амал қилиш муддати. Роке "Бетис"га бир эмас, икки мавсумга кетиши мумкин.
19 ёшли футболчи ўз трансферини аллақачон маъқуллаган ва "Барселона"дан яшил чироқ ёнишини кутмоқда. Витор Рокени каталонияликлар январ ойида Бразилиянинг “Атлетико Паранаенсе” клубидан 40 миллион евро эвазига сотиб олганди.
