"Барселона"нинг янги футболчиси Дани Ольмо тез орада жамоада дебютини ўтказиши мумкин. Испаниялик футболчининг "РБ Лейпциг"дан трансфери деярли икки ҳафта олдин амалга оширилганди.
Каталония клуби ҳалигача 26 ёшли футболчини молиявий чекловлар туфайли рўйхатдан ўтказмаган, аммо тез орада буни амалга оширишга қодир кўринади. Инсайдер Жанлука Ди Марционинг сўзларига кўра, "Барселона" Олмони рўйхатга олишни пайшанба куни якунламоқчи.
Шундан сўнг дарҳол "кўк-анорранглилар" раҳбарияти яна бир ҳужумкор футболчи "Ювентус"дан Федерико Кьезанинг трансфери устида қизғин ишларни бошлайди.
