Германия терма жамоаси бош мураббийи Юлиан Нагельсманн Мануэль Нойернинг термадаги фаолиятини якунлаш қарори ҳақида гапирди.

38 ёшли дарвозабон чоршанба куни унинг халқаро фаолияти якунлангани эълон қилинганидан кейин бор эътиборини "Бавария"да ўйнашга қарор қилди.

"Мен Манунинг қарорини ва унинг мақсадини тушунаман, аммо бу жамоа учун катта йўқотиш. Нойер футболдаги дарвозабоннинг ролига тарихдаги ҳаммадан кўра кўпроқ таъсир кўрсатди. Унинг маҳорати бизнинг ўйин услубимизнинг асосий қисми эди. Ману ҳар доим буюк спортчи ва шахс бўлган ва шундай бўлиб қолади.

Мен у билан алоқада бўлишни давом эттираман, лекин биз уни терма жамоада соғинамиз", - дейди Нагельсманн.

Мануэль Нойер Германия терма жамоасидаги 14 йиллик фаолияти давомида 124 та ўйинда майдонга тушди.