«Манчестер Юнайтед» футбол клуби харажатларни камайтириш мақсадида ўзининг техник хизмат кўрсатиш жамоасига тушлик қутиларини беришни тўхтатишга қарор қилди. Бу ҳақда Британиянинг "Daily Mail" нашри хабар бермоқда.
Манбага кўра, аввалроқ, ўйин куни ишчилар сэндвич, донли бар, чипс ва ичимликдан иборат озиқ-овқат пакетини олишган. Қайд этилишича, мавсумнинг биринчи ўйинидан сўнг кўплаб ходимлар ушбу тушлик қутилари йўқлигидан норози бўлган. Баъзи ҳолларда уларга корпоратив мижозлар учун мўлжалланган овқат қолдиқлари таклиф қилинган.
Қайд этилишича, манкунианликлар раҳбарияти ўз қарорини тақдим этилган озиқ-овқатнинг муҳим қисми фойдаланилмай қолгани билан изоҳлаган.
