«Manchester Yunayted» futbol klubi xarajatlarni kamaytirish maqsadida o‘zining texnik xizmat ko‘rsatish jamoasiga tushlik qutilarini berishni to‘xtatishga qaror qildi. Bu haqda Britaniyaning "Daily Mail" nashri xabar bermoqda.
Manbaga ko‘ra, avvalroq, o‘yin kuni ishchilar sendvich, donli bar, chips va ichimlikdan iborat oziq-ovqat paketini olishgan. Qayd etilishicha, mavsumning birinchi o‘yinidan so‘ng ko‘plab xodimlar ushbu tushlik qutilari yo‘qligidan norozi bo‘lgan. Ba’zi hollarda ularga korporativ mijozlar uchun mo‘ljallangan ovqat qoldiqlari taklif qilingan.
Qayd etilishicha, mankunianliklar rahbariyati o‘z qarorini taqdim etilgan oziq-ovqatning muhim qismi foydalanilmay qolgani bilan izohlagan.
