“Манчестер Сити” ва Саудия Арабистонининг “Ал-Ҳилол” клуби 30 ёшли португалиялик ўнг қанот ҳимоячиси Жоау Канселунинг трансфери бўйича келишувга эришди, деб хабар бермоқда City Report. Манбага кўра, товон пули камида 35 миллион еврони ташкил қилиши мумкин.

Футболчи ўтган мавсумни Испаниянинг “Барселона” жамоасида ижара асосида ўтказди ва у ерда барча турнирларда 42 та ўйинда қатнашиб 4 та гол урди ва 5 та голли узатмани амалга оширди. 2023 йилнинг январидан июнигача Жоау Кансело Мюнхеннинг “Бавария” клубида ижара асосида ўйнаган.

Футболчи 2019 йилнинг август ойида Италиянинг “Ювентус” клубидан “Манчестер Сити”га 65 миллион евро эвазига кўчиб ўтган.

Канселу Португалия терма жамоаси сафида 58 та ўйин ўтказиб, 10 та гол урди ва 7 та голли узатмани амалга оширди.