«Барселона» клуби ёрдамчи мураббий Хорди Роура чемпионлар лигаси ярим финали дастлабки ўйини ҳақида фикр билдирди.

«Авваламбор, «Бавария»ни ғалаба билан табриклайман. Рақиб жуда кучли эди ва улар ажойиб ўйин ўтказишди.

Биринчи бўлимда ёмон ўйнадик дея олмайман, лекин иккинчи тайм аввалида ҳисоб иккитага ошди ва вазият мураккаблашди.

«Бавария» — жисмоний жиҳатдан кучли жамоа. Уларга қаршилик кўрсатиш кучимиз етмади. Айнан шунга эътибор бериш керак.

Вазият оғир эканини тушуниб турибмиз. Лекин биз «Барселона»миз. «Бавария»ни мағлуб этиш учун ҳаракат қилишимиз керак. Бу учун бор имкониятимизни ишга соламиз»,- дейди мураббий.