"Барселона" ярим ҳимоячиси Дани Ольмо клуб уни ўйинларга рўйхатдан ўтказишини кутишда давом этмоқда.

26 ёшли Европа чемпиони каталонияликлар томонидан 9 август куни Германиянинг “РБ Лейпциг” клубидан сотиб олинди. Айни дамда футболчи рўйхатдан ўтмагани учун ўйинларда иштирок эта олмаяпти. Муаммони ҳал қилиш учун "Барселона" футболчилар билан хайрлашишдан даромад олиши керак.

Mundo Deportivo хабарига кўра, "блауграна" ёш ҳимоячи Микаил Файе "Ренн"га сотилганидан кейин Ольмони расман таркибга қўшиш имкониятига эга бўлиши мумкин. Ҳар ҳолда, "Барселона" раҳбарияти айнан шу нарсага умид қилмоқда.

Агар ҳаммаси жойида бўлса, Дани Ольмо шанба куни Бильбаонинг "Атлетик"ига қарши ўйинда каталонияликлар сафида дебют қилиши мумкин бўлади.