"Ювентус" ёзги трансфер ойнаси ёпилгунга қадар "Манчестер Юнайтед" юлдузи Жэйдон Санчони ўз сафига жалб қилишга умид қилмоқда.

"Кекса синьора" раҳбарияти "қизил иблислар"га англиялик футболчини 40 миллион фунт стерлингга (47 миллион евро) сотиб олиш имконияти билан мавсум охиригача ижарага олишни таклиф қилишга тайёр, дея хабар беради инсайдер Жанлука ди Марцио. Асосий муаммо 24 ёшли футболчининг юқори маоши: “Манчестер Юнайтед”даги амалдаги шартномасига кўра, вингер йилига 20 миллион еврога яқин маош олади.

Жэйдон Санчога "ПСЖ" ҳам қизиқиш билдирган. Футболчи ўтган мавсумнинг иккинчи ярмини Дортмунднинг "Боруссия"сида ижара асосида ўтказди.