"Фиорентина" ҳужумчиси Мойзе Кин янги жамоасидаги дебют голидан сўнг ўз таассуротлари билан ўртоқлашди.
Ўтган ой "Ювентус"дан "Фиорентина"га ўтган 24 ёшли футболчи Конференциялар лигаси саралаш босқичи доирасидаги 3:3 ҳисобида якунланган "Пушкаш Академияси"га қарши ўйинда гол урди. Собиқ "кекса синьора" форварди учун бу деярли бир ярим йил ичида расмий ўйинлардаги биринчи гол.
“Жамоа ва мураббий менга ишонади. Бу мавсум мен учун энг муҳимларидан бири бўлади", - дея ўз фикрлари билан ўртоқлашди Кин ўйиндан кейин Sky Sport билан суҳбатда.
"Мен тўғри жойда эканлигимга аминман. Мен буни аниқ кўрсатиш учун келдим. Менинг вазифам - майдонда бор кучимни бериш.
Италия терма жамоасига қайтиш? "Ҳозирда бор эътиборимни "Фиорентина"га қаратганман, лекин мен ҳамма нарсага тайёр бўлишим керак", - деди футболчи интервьюда.
