Лондоннинг "Арсенал" клуби ёзги трансфер ойнаси ёпилгунига қадар жамоанинг ҳужум чизиғини кучайтирмоқчи.
Todofichajes нашри хабарига кўра, "канонирлар" раҳбарияти юқори даражадаги келишувга тайёрланмоқда. Нигериялик марказий ҳужумчи Виктор Осимхен Англия Премьер-лигаси вице-чемпиони сафига қўшилиши мумкин.
Футболчи Италиянинг "Наполи" клубига тегишли. Осимхеннинг трансфер нархи 100 миллион еврога баҳоланмоқда. Унинг шартномаси 2026 йилнинг ёзига қадар мўлжалланган. Италия чемпионатининг ўтган мавсумида Виктор 25 та ўйин ўтказди. Ҳужумчи 15 та гол ва 3 та голли узатмани амалга оширди.
