Каталониянинг "Барселона" клуби Англиянинг "Манчестер Сити" клубига ўтишини якунлаган германиялик ярим ҳимоячи Илкай Гюндоганга миннатдорчилик билдирди.

"Клуб Гюндоганга фидойилиги ва садоқати учун очиқчасига миннатдорчилик билдиради ва унга келажакда ҳам шахсий, ҳам профессионал муваффақиятлар тилайди", дейилади "Барселона" расмий сайтида эълон қилинган баёнотда.

Илкай Гюндоган 2023/2024 йилги мавсумда "Манчестер Сити"дан "Барселона"га ўтган эди, у "блауграна" сафида барча мусобақаларда 51та ўйин ўтказди, 5та гол урди ва 14та голли узатмани амалга оширди.