"Манчестер Сити" бош мураббийи Пеп Гвардиола германиялик ярим ҳимоячи Илкай Гюндоганнинг "шаҳарликлар" лагерига қайтгани ҳақида гапирди.
“Илкай билан шартнома имзолаш имконияти пайдо бўлганда бизда ҳеч қандай шубҳа йўқ эди! Биз ҳаммамиз унинг яна бу ерда бўлишини истардик, нафақат шахсан мен, албатта, барчамиз.
Илкай билан келишув муаммосиз кечди. Менга хабар келди: "Илкай сиз билан гаплашмоқчи". “Яхши” дедим ва шу заҳотиёқ ижобий жавоб олдим", - дея Гвардиоланинг сўзларини келтиради журналист Фабрицио Романо ижтимоий тармоқда.
Немис футболчи ўтган мавсумни “Барселона”да ўтказди.
