"Аталанта" ярим ҳимоячиси Тён Копмейнерс ой охиригача "Ювентус"га ўтишга умид қилмоқда.
26 ёшли футболчи ўзининг "Бьянконерилар" лагерига ўтишини анча олдин маъқуллаган, бироқ клублар ўртасидаги музокаралар яхши кетаётгани йўқ - ҳалигача тўлиқ келишув йўқ. Инсайдер Фабрицио Романонинг фикрича, нидерландиялик футболчида фаолиятини давом эттириш учун фақат битта вариант бор – “Ювентус”. Англия Премьер-лигаси клублари ҳам бергамоликлар етакчисини сотиб олишга ҳаракат қилишди, бироқ футболчи туринликлардан ташқари барча таклифларни рад этди. У ёзда Англияга кўчиб ўтишни режалаштирмаяпти.
Маълумотларга кўра, яқинда "Ювентус" Копмейнерс учун "Аталанта"га 60 миллион евро таклиф қилган.
