"Atalanta" yarim himoyachisi Tyon Kopmeyners oy oxirigacha "Yuventus"ga o‘tishga umid qilmoqda.

26 yoshli futbolchi o‘zining "Byankonerilar" lageriga o‘tishini ancha oldin ma’qullagan, biroq klublar o‘rtasidagi muzokaralar yaxshi ketayotgani yo‘q - haligacha to‘liq kelishuv yo‘q. Insayder Fabrisio Romanoning fikricha, niderlandiyalik futbolchida faoliyatini davom ettirish uchun faqat bitta variant bor – “Yuventus”. Angliya Premyer-ligasi klublari ham bergamoliklar yetakchisini sotib olishga harakat qilishdi, biroq futbolchi turinliklardan tashqari barcha takliflarni rad etdi. U yozda Angliyaga ko‘chib o‘tishni rejalashtirmayapti.

Ma’lumotlarga ko‘ra, yaqinda "Yuventus" Kopmeyners uchun "Atalanta"ga 60 million yevro taklif qilgan.