"Ливерпуль" дарвозабони Алиссон жамоадошларининг шартномалари тугаши билан боғлиқ вазиятдан хавотирини билдирди.
Жорий мавсум якунида Виржил ван Дейк, Муҳаммад Салоҳ ва Трент Александр-Арнольднинг амалдаги келишувлари тугайди - бу учаласи ҳам анчадан бери жамоада асосий рол ўйнаган.
Бундан ташқари, Эндрю Робертсон ва Иброҳим Конатенинг шартномалари бир йилдан сўнг якунига етади.
"Бизда шартномалари тез орада тугайдиган жуда муҳим ўйинчилар бор. Келажакда клуб олдида жиддий ишлар турибди", - деди шартномаси 2027 йилнинг ёзига қадар мўлжалланган бразилиялик дарвозабон Times нашрига.
