"Liverpul" darvozaboni Alisson jamoadoshlarining shartnomalari tugashi bilan bog‘liq vaziyatdan xavotirini bildirdi.
Joriy mavsum yakunida Virjil van Deyk, Muhammad Saloh va Trent Aleksandr-Arnoldning amaldagi kelishuvlari tugaydi - bu uchalasi ham anchadan beri jamoada asosiy rol o‘ynagan.
Bundan tashqari, Endryu Robertson va Ibrohim Konatening shartnomalari bir yildan so‘ng yakuniga yetadi.
"Bizda shartnomalari tez orada tugaydigan juda muhim o‘yinchilar bor. Kelajakda klub oldida jiddiy ishlar turibdi", - dedi shartnomasi 2027 yilning yoziga qadar mo‘ljallangan braziliyalik darvozabon Times nashriga.
