“Штутгарт”, “Байер”, “Кёлн”, “Фенербахче” ва Руминия терма жамоасининг собиқ бош мураббийи Кристоф Даум 70 ёшида оламдан ўтди. Бу ҳақда Бундеслига расмий сайти хабар бермоқда.

Даум 1986 йилдан 1990 йилгача ва 2006 йилдан 2009 йилгача "Кёлн" бош мураббийи сифатида ишлаган. 1990-1993 йилларда немис мутахассиси "Штутгарт"ни бошқарган.

1996 йилдан 2000 йилгача Даум "Байер" бош мураббийи лавозимида ишлаган. Унинг қўл остида “доричилар” барча турнирларда 184 учрашув ўтказиб, 91 марта ғалаба қозонган, 52 марта дуранг ўйнаган ва 41 марта мағлубиятга учраган.

Даумнинг охирги иш жойи 2016 йилдан 2017 йилгача бошқарган Руминия терма жамоаси эди.