“Shtutgart”, “Bayer”, “Kyoln”, “Fenerbaxche” va Ruminiya terma jamoasining sobiq bosh murabbiyi Kristof Daum 70 yoshida olamdan o‘tdi. Bu haqda Bundesliga rasmiy sayti xabar bermoqda.
Daum 1986 yildan 1990 yilgacha va 2006 yildan 2009 yilgacha "Kyoln" bosh murabbiyi sifatida ishlagan. 1990-1993 yillarda nemis mutaxassisi "Shtutgart"ni boshqargan.
1996 yildan 2000 yilgacha Daum "Bayer" bosh murabbiyi lavozimida ishlagan. Uning qo‘l ostida “dorichilar” barcha turnirlarda 184 uchrashuv o‘tkazib, 91 marta g‘alaba qozongan, 52 marta durang o‘ynagan va 41 marta mag‘lubiyatga uchragan.
Daumning oxirgi ish joyi 2016 yildan 2017 yilgacha boshqargan Ruminiya terma jamoasi edi.
