Браим Диас "Реал"нинг "Вальядолид" устидан қозонилган ғалабасидан (3:0) сўнг фикр билдирди.

"Бу қийин бошланиш бўлди, лекин кейин биз ритмни кучайтирдик, айниқса иккинчи бўлимда. Ғалаба ва уч очкодан жуда хурсандман.

Мен Милитаонинг у ерда тўп узатишини билардим, чунки машғулотларда буни кўп машқ қилдик. Шунда у дарвозабоннинг яхши жойлашмаганини кўрди ва тўпни тепага ташлади.

Жамоамиздаги иқтидордан жуда мамнунман. Биз бир оиладекмиз, мақсад имкон қадар кўпроқ соврин ютиш. Шахсан мен хурсандман ва кўпроқ нарсага тайёрман.

Эндрик мендан кечки овқат қарзи бор. У ҳар доим ўйнашга тайёр, ижобий муносабатда, икки оёғи билан тўпга жуда кучли зарба берадиган ўйинчи", - дейди "Реал Мадрид" ярим ҳимоячиси.