Тошкентнинг “Бунёдкор” жамоаси ҳимоячиси Анвар Ғофуровнинг “қалдирғочлар” таркибидаги умумий ўйинлари сони 150тага етди.
Анвар Ғофуров 2009 йилдан буён “Бунёдкор” жамоасида тўп тепиб келади. Унинг “қалдирғочлар” сафидаги дебют учрашуви 2009 йилнинг 3 март санасига тўғри келади. Ўшанда “Бунёдкор” олий лига 1-тури доирасида меҳмонда “Динамо” жамоасини 1:0 ҳисобида мағлубиятга учратган эди.
Ҳимоячи “Бунёдкор” сафида чемпионат доирасида 95та, Осиё Чемпионлар лигасида 35та ҳамда Ўзбекистон кубоги учрашувларида 20та ўйинда тўп тепган. Майдонда ҳаракат қилган умумий вақти 12413 дақиқани ташкил этади. Шунингдек, Анвар Ғофуров ҳисобида “қалдирғочлар” таркибида урилган тўртта гол мавжуд.
