"Реал"да ўйнаган ярим ҳимоячи Хамес Родригес Испания чемпионатига қайтишга яқин турибди.
Инсайдер Фабрицио Романо хабарига кўра, колумбиялик футболчи фаолиятини "Райо Вальекано"да давом эттиради.
Айни дамда Хамес Мадридда бўлиб турибди ва у ерда клуб раҳбарияти билан музокаралар олиб бормоқда.
Томонлар бир мавсумга узайтириш имконияти билан бир йиллик меҳнат шартномасига келишиб олдилар. Родригес ҳозирда эркин агент, унинг сўнгги жамоаси Бразилиянинг "Сан-Паулу" жамоаси эди.
Эслатиб ўтамиз, "Реал" таркибида колумбиялик футболчи икки марта Испания чемпиони ва УЕФА Чемпионлар Лигаси ғолибига айланган.
