"Ливерпуль" ҳимоячиси ва сардори Виржил ван Дейк мерсисайдликлар билан шартномаси тугаши ҳақида гапирди. Меҳнат шартномаси 2025 йилнинг ёзига қадар амал қилади.
“Ҳозир мавсумни муваффақиятли ўтказишни хоҳлайман. Мен энг юқори савияда ўйнамоқчиман. Мен жамоанинг муҳим аъзоси бўлишни хоҳлайман. Келгуси йил нима бўлишини кўрамиз. Шартномам борасида хотиржамман. Ҳозир барча фикрларим янги мавсумга қаратилган. Умид қиламанки, бу биз учун муваффақиятли бўлади", - деди нидерландиялик футболчи.
Эслатиб ўтамиз, ван Дейк 2018 йилдан бери "Ливерпуль" шарафини ҳимоя қилиб келмоқда. Бунгача у "Саутгемптон" ва "Селтик" клубларида ўйнаган.
