"Барселона" Дани Ольмони рўйхатдан ўтказиш йўлини топди.
Mundo Deportivo хабарига кўра, каталонияликлар жароҳат олган ҳимоячи Андреас Кристенсен ўрнига футболчини таркибга киритиш ҳуқуқидан фойдаланади. Аввалроқ даниялик футболчи бир неча ҳафтадан икки ойгача майдонга туша олмаслиги маълум бўлганди.
Шуниси эътиборга лойиқки, агар "меҳнатга лаёқатсизлик жароҳат олган кундан бошлаб тўрт ойга тенг ёки ундан кўп давом этиши кутилса" бундай операцияни тартибга солиш назарда тутилган.
"Кўк-анорарнглилар" 28 ёшли футболчи эгаллаган маошнинг 80 фоизидан фойдалана олади ва бу "Лейпциг"дан сотиб олинган испаниялик ярим ҳимоячини рўйхатдан ўтказиш учун етарли бўлади.
Ла Лига яқин соатларда бу ҳаракатни маъқуллаб, Ольмога 27 август куни "Райо Вальекано"га қарши ўйнашга рухсат бериши кутилмоқда.
Аввалроқ, "Барселона" Иньиго Мартинесни худди шундай тарзда қайд этганди - Рональд Араухонинг жароҳати туфайли.
