"Челси" ва "Манчестер Юнайтед" ўйинчи алмашиши мумкин.
Лондон клуби Жэйдон Санчо бўйича келишувга Рахим Стерлингни қўшишга тайёр, дея хабар беради Daily Mail.
Стерлинг "Манчестер Сити"да 7 йил ўйнаганига қарамай, трансферни дарҳол рад этмайди. Гарчи футболчи собиқ жамоасига яқин бўлиб қолса-да, у "Юнайтед"да ўйнашни ҳам истайди.
Қайд этилишича, ҳозирда ўйинчилар алмашинуви бўйича келишув бўлиши даргумон. Стерлингнинг ҳафтасига 325 000 фунт маош олиши тўсиқ бўлиши мумкин.
Санчо ҳафтасига 300 минг фунт маош олади - бу ҳам "Челси"нинг қисқартирилган маошига тўғри келмайди.
