Туриннинг “Ювентус” клуби Италия чемпионатининг дастлабки икки турида яхши ўйин кўрсатди, Тиаго Мотта шогирдлари ўзининг дастлабки икки учрашувида бир хил 3:0 ҳисобида ғалаба қозонишди.
Ушбу баҳсда ёш ҳужумчи Николо Савона Италия футболи лигасидаги илк голини урди. Ўйиндан сўнг у журналистлар билан суҳбатлашди ва уларга ўз ҳис-туйғулари ҳақида гапириб берди.
"Влаҳович тўпга тегмаслигини айтди, демак, мен А Сериядаги биринчи голимни урдим ва бундан жуда хурсандман. Умид қиламизки, ишлар яхши давом этади", - дея Савона сўзларини келтиради Juvenews.Eu.
Италия чемпионатининг навбатдаги турида “Ювентус” “Рома”га қарши баҳс олиб боради. Бу сентябрнинг биринчи кунида содир бўлади.
