"Галатасарой" бош мураббийи Окан Бурук "Янг Бойз" билан Чемпионлар лигаси саралашининг жавоб ўйини олдидан ўтказилган матбуот анжуманида, аввалроқ Москванинг "Спартак" клубига ўтиш таклифини олган қанот ярим ҳимоячиси Керем Актуркўғлунинг кетиши мумкинлиги ҳақидаги саволга жавоб берди.
"Керем ўйинидан ва жамоага кўрсатган қўллаб-қувватлашидан жуда мамнунмиз. Унда мавсум бошида кетиш фикри бор эди, лекин у ҳозир “Галатасарой”ни тарк этишни истамайди", — деди Окан Бурук.
Актуркўғлунинг “Галатасарой” билан амалдаги меҳнат шартномаси 2026 йилнинг июнига қадар тузилган. Ўтган мавсумда у 54 та ўйинда қатнашиб, 15 та гол ва 9 та голли узатмани амалга оширган.
