"Барселона" ниҳоят Дани Ольмони рўйхатдан ўтказди. Испаниялик футболчи Ла Лиганинг 3-туридан ўрин олган "Райо Вальекано"га қарши ўйинда майдонга тушиши мумкин.

Дани "Валенсия"га қарши ўйинда жароҳат олиб, 4 ойга сафдан чиққан Андреас Кристенсен ўрнига сафга қўшилди. "Блауграна" Ла Лига регламентидаги бўшлиқдан фойдаланиб, Олмони қишки трансфер ойнаси очилгунга қадар олти ойга рўйхатдан ўтказди.

Агар Андреаснинг тикланиши кутилганидан тезроқ кетса нима бўлади?

Испан нашрларининг ёзишича, данияликнинг жароҳати унчалик жиддий эмас: футболчининг атрофидагилар унинг сентябрда майдонга туша олишига ишончи комил.

Агар Кристенсен муддатидан олдин тузалиб кетса, "Барса" Андреасни ҳам, Данини ҳам майдонга тушира олади, фақат 31 декабргача.

Бу даврда жамоа ишларни тартибга солиб, ҳалол ўйинга мослашиши керак. Агар клуб бунга эриша олмаса, Ольмонинг Ла Лигадаги мавсуми якунланади. Ўйинчини иккинчи марта рўйхатдан ўтказиш мумкин бўлмайди.