UFC шон-шуҳрат зали аъзоси россиялик Хабиб Нурмагомедов ирландиялик Конор Макгрегор билан жанги вақтида UFC раҳбари Дана Уайтга нима деганини айтди.

"Мен фақат қафасни ёпишини ва у билан мен ёлғиз қолишимизни сўраган эдим. Бу мен ўша пайтда жуда хоҳлаган нарса эди.

Чунки сиз ҳеч қачон билмайсиз, кимдир жароҳат олиши мумкин, нимадир содир бўлиши мумкин. Сиз ҳеч қачон билмайсиз. Мен бу жангга тайёрланиб, шу дақиқани кутаётгандим. Мен жуда хурсанд бўлдим.

Қафасга кирганимда, қафас ёпилганда, Дана Уайтга қараб: “Бугун уни ҳимоя қила олмайсиз” деганимни эслайман.

У мени эшитмади. Ҳаммаси жойида, жангдан кейин гаплашдик", — дея Хабибнинг сўзларини келтирган MMA Fighting.