Мемфис Депай фаолиятини «Райо Вальекано»да давом эттириши мумкин.
Клуб президенти Мартин Преса 30 ёшли форвард билан шартнома имзолашдан манфаатдор ва бу трансферни амалга оширишга имкон берувчи молиявий воситаларни қидирмоқда. Рауль де Томас жамоани тарк этиши эҳтимолдан холи эмас - бу маош рўйхатидан 5,5 миллион еврога яқин маблағни бўшатади. Депай ҳам худди шундай даромад олмоқчи, деб ёзади "Relevo".
Қайд этилишича, клуб де Томас жамоада қолган тақдирда ҳам нидерландиялик футболчини қўлга киритиш ғоясидан воз кечмайди.
«Атлетико»дан кетганидан кейин эркин агент бўлган футболчига «Фламенго» ҳам қизиқиш билдирмоқда.
Эслатиб ўтамиз, кеча «Райо Вальекано» Хамес Родригес билан шартнома имзолаганини эълон қилган эди.
