Тажрибали 36 ёшли ҳимоячи Анжело Огбонна фаолиятини Чемпионшип клуби «Уотфорд»да давом эттиради. Италиялик футболчи эркин агент сифатида янги клуб топиб, бир мавсумга шартнома имзолади.
Марказий ҳимоячи фаолиятининг сўнгги 9 йилини Лондоннинг «Вест Хэм» клубида ўтказди. У у ерга 2015 йилда Туриннинг «Ювентус» клубидан кўчиб ўтганди. Фаолиятининг аввалида ватанида «Торино» ва «Кротоне» шарафини ҳимоя қилган.
Италиялик футболчининг асосий позицияси – марказий ҳимоячи. "Transfermarkt" портали футболчини атиги 700 минг еврога баҳоламоқда.
