Токаев мамлакат профессионал спорти учун легионерлар хизматидан фойдаланмасликка чақирди.
Президент асосий эътиборни болалар-ўсмирлар спорт мактабларига қаратиш, олимпия захирасини тайёрлаш, уларнинг фаолиятини тизимли равишда йўлга қўйиш кераклигига урғу қаратди.
"Бизда 500 дан зиёд болалар-ўсмирлар спорт мактаблари бор. Лекин уларнинг фойдали коэфиценти жуда паст.
Олимпия захираларини тайёрлашда оқсаяпмиз. Бу эса натижаларнинг ёмонлашишига сабаб бўляпти. Бюджетдан ажратилаётган маблағ талон-тарож қилинмоқда. Афсуски, иқтидорли мураббийлар хорижга кетиб қоляпти. Улар тарбиялаётган бошқа давлат спортчилари қисқа фурсатда яхши натижаларга эришмоқда.
Масалан, Париж-2024 Олимпиадасининг таэквондо баҳсларида Тунис терма жамоасининг икки вакили шоҳсупага кўтарилди, улардан бири Олимпиада чемпиони бўлди. Бу терма жамоани Олимпия ўйинларига қозоғистонлик мураббий Есбол Султанов тайёрлаганди. Легионер спортчилар узоқ йиллик муваффақиятни таъминламайди. Улар келиб кетадиган одамлар. Бизга ўзимизнинг кадрлар керак", — деди Токаев.
