Америкалик пойгачи Логан Саргент Williams билан шартномасини бекор қилди.
Жорий мавсум якунига қадар таиландлик Александр Албоннинг шериги 21 ёшли аргентиналик Франко Колапинто бўлади.
У 23 йил ичида “Формула-1”даги биринчи аргентиналикка айланади.
Саргент сўнгги икки мавсумда Williams учун ҳаракат қилди. Ўтган йили у бир очко жамғарган бўлса, бу мавсумда 23 ёшли америкалик 15 босқичдан сўнг очкосиз қолди.
Ўтган ҳафта Саргент Нидерландия Гран-присида учинчи машғулотда машинасини ҳалокатга учратган, шундан сўнг машина ёниб кетган.
Натижада, машина саралаш учун ўз вақтида тикланмади ва америкалик пойгада 16-ўринни эгаллади.
