Мадриднинг “Реал” клуби бош мураббийи Карло Анчелотти “Лас-Пальмас”га қарши Испания Примерасининг 3-тур ўйини олдидан жамоасининг ҳужумкор ўйинчиларининг формаси ҳақида гапирди.
“Бизда гол яратиш ва уриш учун ресурслар бор. Бу нафақат Мбаппега, балки Винисиус ва Родригога ҳам тегишли. Бизда учта ўйинда олтита гол бор... ва жамоа энг яхши формада эмас. Бу кўп нарсани айтади. "Реал Мадрид"да биз ҳеч қачон голлар билан боғлиқ муаммоларга дуч келмаймиз, буни ўзингиз кўрасиз. Таркибда Криштиану Роналдудек тўпурар бор ёки йўқлигидан қатъий назар...", - дея Анчелотти сўзларини келтирмоқда AS.
