Испаниянинг Мальорка шаҳрида теннис бўйича «Челленжер» туркумига кирувчи «Rafa Nadal Open by Movistar» турнирида ҳамюртимиз Ҳумоюн Султонов муваффақиятли иштирок этмоқда.

Мамлакатимизнинг биринчи рақамли теннисчиси бўлган Ҳумоюн асосий тўр баҳсларининг биринчи даврасида франциялик Робен Бертранни 6:2, 7:6, 6:4 ҳисобида енгди. Энди Ҳ.Султонов 1/8 финал босқичида бельгиялик Рафаэль Коллиньонга қарши кортга чиқади.

Шунингдек, теннисчимиз жуфтлик баҳсларида чехиялик Марек Генгель билан тандемда чорак финал ўйинида Буюк Британия шарафини ҳимоя қилаётган Маркус Уиллис ҳамда Чарлз Брум дуэти билан рақобатлашади.